အာရောဂျ ပရမ လာဘ ဆိုသည့်အတိုင်း ကျန်းမာခြင်းသည် မည်သည့်အရာနှင့်မှ မလဲနိုင်သော လာဘ်ကြီးတစ်ပါးဖြစ်ပါတယ်။.....။
ကျန်းမာရေးချို့ယွင်းလျှင်ဖြင့် ပညာတတ်သူဟာမိမိ၏ပညာကိုအသုံးမချနိုင်ဘဲရှုံးနိမ့်ရပေမယ်။
စည်းစိမ်ရှိသူသည် မိမိစည်းစိမ်က်ိုကောင်းစွာမခံစားရဘဲရှုံးနိမ့်ရပါလိမ့်မယ်။ နောက်ဆုံး ကျန်းမာရေးကြောင့် မိမိ၏ အသက်နဲ့ခန္ဓာကိုပင်လျှင် စွန့်ခွာ၍ ဘဝကိုအရှုံးပေးကြရတတ်ပါတယ်။
ဒါ့ကြောင့် ကျန်းမာရေးချို့ယွင်းပြီးဆေးမတိုးတဲ့၊ဆေးမစူးတဲ့၊နာတာရှည်ဖြစ်နေတဲ့ သူတွေအတွက် ပစ္စုန်ပ္ပန် သံသရာ(၂)မျိုးလုံး အကျိုးမယုတ်ဘဲ ကောင်းကျိုးဖြစ်စေတဲ့ ``ကျန်းမာရေးအတွက်ယတြာ အစီအရင်´´ကို ဖော်ပြပေးလိုက်ပါတယ်။............။
ကျန်းမာရေးချို့ယွင်းခဲ့ရင်
ဆေးစူး၊မစူး သိဖို့ရာ ရောက်သက်တည်ထား၊တြိနှင့်စားပါ။
သုဉ်းက ဆေးမစူးပဲနာတာရှည်တတ်ပါတယ်။......။
ဘယ်လိုပဲဖြစ်ဖြစ် ကျန်းမာရေးမကောင်းခဲ့ရင် အောက်ပါ ယတြာသျှန္တီတို့ကိုပြုလုပ်ပေးပါ။
✏ တနင်္ဂနွေသားသမီးများ - အိပ်ရာရဲ့ခေါင်းရင်းမှာ အုန်းသီးတစ်လုံးထားအိပ်ပြီး မနက်စောစော ဘုရားကျောင်းကန်မှာလှူဒါန်းလိုက်ပါ။
✏ တနင်္လာသားသမီးများ- အမျိုးသား ညာဘက်၊အမျိုးသမီးဘယ်ဘက်မှာ ကြံတစ်ချောင်းထားအိပ်၊မနက်စောစော (၉၆)ဆစ် ဆစ်ပြီး ရေမှာမျှော ဒါမှမဟုတ် အိမ်ရဲ့အနောက်တောင်ထောင့်အရပ်မှာစွန့်ပစ်ပါ။
✏ အင်္ဂါသားသမီးများ-ခေါင်းရင်းအောက်မှာ ဆန်(၉)ဆုပ်ထားပြီးအိပ်၊မနက်စောစောမှာ အဲဒီဆန်တွေကို ကုန်းသတ္တဝါ၊ရေသတ္တဝါတို့ကို ကျွေးပါ။သုံးရက်ပြုလုပ်ပါ။
✏ ဗုဒ္ဓဟူးသားသမီးများ- ကျောက်ဖရုံသီးတစ်လုံးကို လူနာရဲ့အင်္ကျီနဲ့ပတ်၊ခေါင်းရင်းမှာထားပြီးအိပ်၊မနက်စောစောမှာ အိမ်ရဲ့အနောက်မြောက်ထောင့်အရပ်မှာစွန့်ပစ်ပါ။
✏ ကြာသပတေးသားသမီးများ-အိပ်ရာခေါင်းရင်းမှာငှက်ပျောသီးတစ်ဖီးကိုအဝတ်ဖြူနဲ့ပတ်၊နံနက်စောစောဘုရားကျောင်းကန်သွားပြီးလှူဒါန်းပါ။
✏ သောကြာသားသမီးများ-အိပ်ရာခေါင်းရင်းမှာ နှမ်းဆီ(၃)ကျပ်သားထားပြီးအိပ်၊နံနက်စောစော အဲဒီဆီနဲ့ဘုရားမှာဆီမီးပူဇော် ဒါမှမဟုတ် လှူဒါန်းလိုက်ပါ။
✏ စနေသားသမီးများ- အိပ်ရာခေါင်းရင်းမှာအုန်းသီးတစ်လုံးကိုအဝတ်နီနဲ့ပတ်ပြီးအိပ်၊နံနက်စောစော ဘုရားသွားပြီးလှူဒါန်းလိုက်ပါ။
အားလုံးပဲ ကာယသုခ၊စိတ္တသုခနဲ့ပြည့်စုံကြပါစေ.......
မင်းဒေဝါ(Tarot)
No comments:
Post a Comment